Jaorverslag 2024 – wârkgroep Dialect
Wuule heb as wârkgroep ok in 2024 niet echt vergaaderd. ’t Is muujluk umme ledn veur de warkgroep te vinden. Dat is heel arg jammer, mar de streektaol hef het nog altied lastig. Toch geve wuulle de moed niet op.
Binnen ’t bestuur hebben wuulle ekekn of het meugeluk is umme verhaoln digitaal vast te leggen um ze te bewarn veur later. Daor hebbe wuulle wel een begin mee emak, mar ’t is nog wel ’n bettien zuuken hoe wuule die verhaln op de website muttn zettn.
’t Afgelopen jaor hebbe wuulle weer mee edaon met de organisasie van de schriefwedstrijd um een dialect verhaol te schrievn en in te stuurn. Wuule heb dat edaon in saamnwarking met Heerde en Epe. Hartstikke mooi umme dat te doen. “t Was ok prachtig umme te heurn dat ien van oonze ledn de 1e pries hef ewönnn, Evert Sneller was de gelukkige. Gefelisiteert heur.
Wuule hopn dit jaor ok weer met de oragnisasie met te doen. De uutslag wordt bekend emaak op de aomp van de priesuutreiking. Disse aomp wordt eholdn in Heerde op 26 meert en begint umme 19.30 uur.
Daornaost heb wuule wel probeert et dialect te promootn in contaktn met de gemeente Oldebroek. Oonze burgemeester, Tanja Haseloop schrif ok nou weer in de maond meert (dialectmaond) een column veur de Huus an huuskrante en die vertale wuulle in het dialect.
In 2025 kump ‘r weer ’n Wiesneus uut. Dat blad is speciaal veur de kinder van de basisschoele en is noe ok vertaald in het Veluws dialect. Mooi wârk.
Zo, nou bint uule weer een bèttien op de heugte van wat wuulle veurig jaor in 2024 edaon heb.
Namens de wârkgroep Dialekt, (Knelis uut ’t Harde) Cor van de Worp
De Broeklanden – Oudheidkundige vereniging
Oudheidkundige vereniging ‘de Broeklanden’