Jaorverslag wârkgroep dialect 2022
Wuule heb as wârkgroep in 2022 niet echt vergaaderd. De motor van oonze wârkgroep, Dini van der Velde hef best de nödige zurgen ekend met betrekking töt heur gezondheid. Heur mobiliteit leut stark te wensen over en toen zie uuteindeluk an heur heupe werd geopereerd was de gank nog niet direkt terugge.
Een verblief in de Voord in Elburg gaf heur nog niet direct de gewenste revalidasie. Dus het duuren een hele tied veur zie in huus was. Gelukkig giet het nou een stuk bèter en hope wuule dit jaor de wârkgroep weer te kunt aktivern en ok weer met mekare te vergadern.
Intussentied hebbe wuule in 2022 veur de 1e keer met edaon met de organisasie van de schriefwedstrijd um een dialect verhaal te schrievn en in te suurn. Wuule heb dat edaon in samenwerking met Heerde en Epe. Hartstikke mooi umme dat te doen.
Zestien verhaalties wordn dr in estuurd en iene van oonze ledn van de wârkgroep, Bertha Pleijter uut Oldebroek hef de 2e pries ekregn. Wuule felisiteert heur harteluk met disse pries.
Wuule hopn dit jaor ok weer met de organisasie met te doen. Wie van oe rap is kan nog töt 1 meert een verhaaltien of gedichien in het dialect in te stuurn. De uutslag wordt bekend emaakt op de aomp van de priesuutreiking. Disse aomp wordt eholdn bie oons in de Schutstal op 29 meert aanstaonde en begint umme 19.30 uur.
Daornaost heb wuule wel probeert et dialect te promootn in contaktn met de gemeente Oldebroek. Wuule wilt daor oonze burgemeester, Tanja Haseloop graag in mee kriegn en een column van heur in het dialect vertaaln.
Zelf heb ik (Knelis uut ’t Harde) nog met ewârkt an een buukien dat heet : Onder ôôns gezeegd. Dit buukien geet over het gebruuk van dialect in verschillnde stukkies van oons land.
In 2023 wille wuule graag nog het blad Wiesneus in oons dialect op een paar schooln uut deeln.
Zo, nou bint uule weer een bèttien op de heugte van wat wuulle veurig jaor in 2022 edaon heb.
Namens de wârkgroep Dialekt, (Knelis uut ’t Harde) Cor van de Worp